P@s@h17z@k

Utzi iruzkina

Joxerekin izan dugun azken klasean pasahitzen gaia izan dugu aztergai eta zer pentsatu eman didan artikulu bat irakurri dugu horren inguruan.

Gaurko klasea baino lehen nik jakin banekien postan, mugikorretan, sare sozialetan eta beste hainbat baliabidetan erabiltzen diren pasahitzak garrantzi handia dutela. Garrantzia dute norberaren pribatutasuna gordetzen ahalbideratzen digutelako. Artikulua irakurri ondoren aurretik nuen ideia hori indartu besterik ez da egin. Hala ere, aitortu beharra daukat nik pasahitz bakarra erabiltzen dudala bai postarako edota sare sozialetarako. Zergatik? Gehienbat erosotasunagatik eta, modu honetara, gogoratzeko erraza egiten zaidalako.

Aipatutako artikuluak hainbat artikulu eskaintzen ditu, erabiltzaile guztiok erraz jarraitu eta bete ditzakegun aholkuak. Niri batzuk besteak baino erabilgarriagoak iruditzen zaizkit norberak sarean daukan segurtasunaren inguruan ari garela kontuan hartuz. Hau nabarmenduko nuke besteen gainetik: “ When you create a password for a site, you might think of a phrase you associate with the site and use an abbreavtion or variation of that phrase as your password – just don´t use the actual words of the site”. Ideia ona dela iruditzen zait erabiltzaileak izan ditzakeen kontu desberdinetarako, bakoitzarekin zerikusia duen pasahitza jartzea.

Artikulua irakurri eta bertan ageri diren aholkuak kontuan hartuz, nire kontuetako pasahitzak aldatzea erabaki dut pribatutasuna mantentzearren.

Joxe Félix Díaz de Tuesta eta Flickr

Utzi iruzkina

Duela pare bat egun Joxe Félix Díaz de Tuesta argazkilaria izan genuen gure artean. Flickr webgunearen inguruan mintzatzeaz gain beste hainbat gauzaren inguruan aritu zitzaigun hitzaldiaren zehar.

Lehenik eta behin kontzeptu batzuk argitu zizkigun. Esan zuen ez duela bere burua aditutzat jotzen eta argazkilaria baino argazkizalea dela. Flickri dagokionez sare sozial moduan definitu zuen, izan ere, oraingo Internetekin jendeak informazio partekatu dezake eta Flickr ez da salbuespena.

Hitzaldiaren muinean murgildu baino lehen bere ekipoa ere aurkeztu zigun. Orain erabiltzen duen kamera duela 3 urte erosi zuen, Canon 5b hain zuzen. Kamera hau profesionala da, gama altukoa, baina hala ere lan batzuk paperean jarri nahi izanez gero tamaina handiegiko argazkiak ateratzen ditu. Kamera honetaz gain beste bat ere badauka, Panasonix Lumix LX3 izenekoa. Iaz erosi zuen eta nahiz eta argazki onak lortu ez da egokia lan handiak egiteko, baina bao ordea Interneten eskegitzeko. Kameraz gain ondoren argazkiak editatzeko erabiltzen dituen tresnez aritu zitzaigun hitz egiten. Apple markako ordenagailuak erabili ditu betidanik eta argazkiak lantzeko orain arte Photoshop, baina azkenaldian aldiz LayRoom.

Orain arte izan duen ibilbide profesionalaren inguruan hainbat datu eskaini zizkigun ondoren. Ez du sekula lan propiorik argitaratu, baina aparte hartu du hainbat libururen edizio eta gestioetan, Arrasateko kale jakin baten inguruan eginiko liburu batean esaterako. Hala ere, eta esaten dunez, ez dio gehiegi axola proiektu propiorik argitaratu ez izanak, Flickren duen arrakastarekin nahikoa dauka. Gainera kontziente da benefizio ekonomiko gehiegirik ez duela lortuko argazkigintzarekin. Erakusketa bat egitea adibidez ez zaio batere errentagarria aterako, baina berak onartu duen gauza bat da benefizio ekonomikoaren bila inoiz joan ez delako.

Argazkigintza kontzeptuaren gainean daukan ikuspuntua gurekin partekatu zuen. Berarentzat argazkigintza uneko argazkia da, momentuan gertatzen ari dena modu onenean eta politenean harrapatzeko gaitasun izatea miresgarria da. Behin aipatu ditudan kontzeptu eta ideia guztiak eta bere materiala aurkeztuta, Flickr webgunean zentratu zen.

Flickr argazki eta bideoak on-line elkarbanatzeko webgunea da. Orokorrean, Web 2.0ko nabigazio adibide kontsideratzen da. Nork bere argazkiak sarera igotzen ditu, ordenatu eta galerietan bildu besteek ikusgai izateko moduan jartzea ahalbideratzen duen zerbitzua da. Aipatu berri ditudan galeria horiek izateaz gain, argazkiak sailkatu eta antolatu daitezke. Albumak eta album sortak ere sortzeko aukera du erabiltzaileak. Horretaz gain, inoren argazkiekin esposizioak egin daitezke, nahiko da beste batzuen argazkiak hartu eta erakusketa bat sortzea.

Behin erabiltzaileak argazkiak eskegitzen dituela, ikusleek iruzkinak egin ditzakete horien inguruan, baita oharrak egin, taldeetara igo, aurkezpenak antolatu, argazkiak blogera pasa eta faborito moduan jarri ere. Joxe Felixek beste ezaugarri bat ere azpimarratu zigun, helbideak oso errazak izaten direla alegia. Flickren kontua duenak honako helbidea izango du beti: flickr.com/photos/bakoitzaren erabiltzaile izena.

Ezaugarria horiez guztiez gain beste aipatzeko hainbat aplikazio badauzka Flickrek:argazkien antolaketa, etiketak jarri edo ez, argazkia mapan kokatzeko aukera…  Niri pertsonalki interesgarri iruditu zitzaidan erabiltzaileak bere kontuaren gaineko estatistikak ikusteko aukera duela, betiere kontua pro bada. Joxe Felixek bere kontuaren estatistikak erakutsi zizkigun eta guztira 307.000 klik inguru zituela ikusi genuen.

Pertsonalki ez dut uste sare sozial edo webgune hau asko erabiliko dudanik etorkizunean, baina onartu beharra daukat Joxe Felixen moduko pertsonentzat benetan baliagarria den tresna dela. Beraien lanak Interneten eskegitzeko eta jendeak horiez disfrutatzeko aukera eskaintzen die, kameretan gastatzen duten diruaz gain beste inongo inbertsio handirik egin gabe. Jasoko dutena ez da benefizio ekonomikoa izango, baina bai benefizio pertsonala. Jendeak lana ikusiko du eta ondorioz, argazkilaria harro edo asebeteta sentituko da.

Berriaren eta Berriketan.inforen inguruan

Utzi iruzkina

Gaurko klasean Berria aldizkariaren argitalpen digitalaz arduratzen den Idurre Eskisabel eta Berriketan.info sare sozialaren arduraduna, Jon Ordoñez, izan ditugu. Bakoitzak bere ardurapean daukan gaiaren inguruan hotz egin digu, baita bien artean dagoen lotura azpimarratu edo aipatu ere.

Hasiera batean Idurrek azkenaldian internetek hedabideetan izan duen eraginaz mintzatu zaigu. Dionez interneten hedapenak iraultza eragin du komunikabideetan, baina asko kostata ohartu direla arduradunak iraultza horretaz. Zeri deitzen dio, bada, iraultza Idurrek? Hasieratik garbi utzi du internet nahiko tresna berria dela, izan ere, orain dela 20 urte kazetaritzan internet zer zen ere ez zekiten. Ondoren, bere esperientzian eta ikuspuntuan oinarriturik lau puntu bereizi ditu:

  1. Lehen egiten zen prentsan idatzizkoak zuen garrantzia gehien eta irudia idatzitakoaren gehigarria zen soilik, idatzitakoa osatzen zena alegia. Beraz, ez zeukan lotura zuzena telebistan edo irratian burutzen zenarekin. Interneten eraginez, euskarri horiek guztiak elkartu egin dira medioen hibridazioa gertatu delarik. Ondorioz, edukien sortzaileek beharrezkoa dute testua eskaintzeaz gain bideoak ikusi eta audioak entzuteko aukera ematea.
  2. Albisteen berri etengabe eta zuzenean emateko aukera. Internet bidez erraza da edonon eta edonoiz sarera konektatuta egotea, azken albisteak partekatzeko aukera paregabea dugularik.
  3. Sareak baimentzen du edonork komunikatzeko gaitasuna bereganatzea. Lehen hartzaile hutsa zena erabiltzaile izatera iritsi daiteke.
  4. Internetek ematen duen abantailetako bat bertako edukiak oraingoz doakoak direla da. Oraindik ez da bertatik ateratako informazioarengatik edo irakurritako albiste batengatik ezer ordaindu behar.

Idurrek aipatu dizkigun puntu hauetatik ateratako ondoriok , Berria egunkarian izan dezaketen eragina, ere jakinarazi dizkigu: berezko egunkarien gainbehera, paperezko egunkariaren salmenten jaitsiera hain zuzen; komunikabideentzat eta baita euskararentzat ere nabigatzeko eta lehiatzeko askoz ere zabalagoa den itsasoa zabaltzen da, komunikatzeko aukera berriak sortzen dira eta komunikatzeko pasioa duenak gaur egunean aukera aparta dauka helburua gauzatzeko. Horretaz gain aipatzeko da erabiltzaileen eskuetan informazio asko geratzen dela, baita entretenimendurako bideratutako ere.

Berria digitalaren arduradunak aipatu digu aurrez azaldutako guztiaren ondorioz komunikazio eredu berri bat eratu dela. Zertan datza eredu berria? Gehienbat eta laburki esanda euskarrien eta generoen bat-egitean. Zalantzarik ez dago interneten dagoen askatasun ia erabatekoa dela eta askotan mugak gainditu egiten direla. Sarearen beste ezaugarrietako bat berehalakotasuna da, albisteak gertatu diren momentuan bertan hartzaileei komunikatzeko aukera ematen duelarik. Ezaugarri hauek guztiak kontuak hartzen dituzte adituek kazetaritzaren funtsa aldatzen ari dela baieztatzen dutenean. Kazetaritzak berez orohar inguruan gertatzen denaren berri ematen da, baina interneten eraginez gaur egun funtsa norberak bere buruari gertatutako kontatzea izango litzateke. Adibiderik garbiena Twitter.

Behin sareak eragin dituen aldaketak aztertu ondoren Idurrek Berriaren kasuan aldaketa horiek non jartzen dien azaldu digu. Dioenez, iraultzari aurre egiteko interneten eta gailu berrien aldeko apustua egitea beharrezkoa egiten zaie. Baina hori egitearekin batera orain arte izan duten negozioak ere aldaketan izango ditu, izan ere, diru sarrerak idatzizko kazetaritzatik lortzen dituzte eta oraingoz behintzat Berria.info moduko baliabideek ez. Gainera Berriak ezin du nazioarteko edo nazionalak diren egunkariekin lehiatu, ez behintzat ematen duen informazio kantitateari dagokionez. Beraz irakurleei eskainiko dieten kalitatea izango da erronka nagusia.

Orain arte egin duten apustu handienetako bat Berriketan.info euskarazko sare soziala da. Sare sozial honen funtzionamendua eta ezaugarriak azaltzeko bere arduraduna, Jon Ordoñez, egon da gurekin. Jonen hitzetan sare sozial honen helburua irakurleari ahotsa ematea da, bide batez irakurleari erabiltzaile izateko aukera ematen zaiolarik. Horretarako, eskainiko duen informazioari bere ikuspuntuak eta ekarpenak txertatuko dizkio testua aberastearren. Jarduera honen bidez, kazetaria sinadura huts bat izatetik hezur haragizko pertsona izatera igaroko da.

Berriketan.infon dagoen erabiltzaile oro sare sozialaren partaide izatera igarotzen denetik komunitate baten kide bihurtzen da automatikoki. Horrela, albisteen kontaketa ekosistema baten barruko elkarrizketa bihurtzeko aukera izango du. Erabiltzaile izateko nahikoa da sare sozial honen web orrian sartu eta izena ematea. Behin hori eginda, erabiltzailea edonoiz hasi daiteke albisteak txertatzen. Aipatzeko da gainera Twitter eta Facebook-era lotura zuzena daukala , erabiltzailearentzat albisteak eman ahal izateko baliabide gehiago. Bakoitzari interesgarria suertatu dakiokeen jendea jarraitzeko aukera ere ematen du.

Amaitzeko eta iritzi pertsonal gisa esango nuke Berriketan.info benetan interesgarria den sare soziala dela. Lehenik eta behin albiste berrienak partekatzeko aukera ematen duelako eta bigarrenik euskara delako hizkuntza erabilia. Berriaren egoerari dagokionez eta orokorrean prentsa idatziaren egoerari dagokionez ukaezina da nahiko kaskarra dela. Interneten eraginarengatik edo, geroz eta prentsa idatzi gutxiago irakurtzen da: desagertzeko arrisku altua. Bat nator beraz gaurko bi gonbidatuek esandakoarekin:  “Internet da etorkizuna.”



Older Entries